actual

Interclub da juniors

La sesiun da interclub per nos juniors e nossas junioras ei gia puspei a fin.

Igl ei stau ina fetg buna sesiun per ils juniors e las junioras.

Las junioras U18 han mo spiars lur partida encunter las favoritas da Cuera. Quei cun 0:3, denton ein ils giugs stai in toc pli cnapp che ils resultats. Tschellas duas partidas han ellas gudignau clar encunter giuvnas da S.Gagl. Aschia han ellas serrau giu ina fetg buna sesiun sil secund plaz. BRAVO!

Las junioras U15 han mo spiars in giug en lur 3 partidas e aschia gudignau tut las partidas. Cun 8 da 9 puncts pusseivels han ellas dominau en lur gruppa e vegnidas suveran empremas. Aschia che ins astga di che quei ei stau ina super sesiun dad ellas. BRAVO!

Ils juniors U18 1 han medemamein mo spiars in giug en lur partidas ed era gudignau tut las partidas. Cun 5 da 6 puncts pusseivels han els era dominau en lur gruppa e vegni suveran emprems. Era per els ei quei stau ina fetg buna sesiun. BRAVO!

Per ils juniors U18 2 eisi plitost stau ina sesiun da pauc. Els han mo gudignau 1 da 9 giugs pusseivels ed han aschia fatg ils quarts en lur gruppa. Quei sto definitiv vegnir meglier sin la proxima sesiun.

Cun quels resultats astgan il cau da Juniors ed ils trenaders esser fetg loschs sin nos juniors e nossas junioras.

Aktualisiert am 29. Juni 2017