actual

Cup Crestas 2017

Buca saviu terminar tuts finals

Denter ils 7 ed ils 9 da fenadur ha giu liug il tradiziunal turnier Cup Crestas dil club da tennis Trun. L’occurrenza ei stada partida si en las categorias: umens R5 – R9, umens R7 – R9 e dubel/mix R1 – R9. Cun mintgamai 12 participonts per categoria tiels umens ed 8 equipas da dubel/mix ei la participaziun stada cuntenteivla. Plascheivel ei stada la buna participaziun da numerus giugadurs giuvens dils clubs ord la regiun. Ina speciala menziun mereta segiramein la famiglia Pally da Medel, nu ch’il bab Valentin ed ils fegls Yanick e Luca han fatg part dil turnier.

Per l’emprema gada ei vegniu giugau tier tuttas categorias en gruppas, quei ch’ei vegniu appreziau zun fetg dils participonts. Giugadurs e giugaduras han demussau fetg bunas prestaziuns ed ils giugs ein stai sin in bien nivel e fetg fairs.

Deplorablamein ha la plievgia zun intensiva alla entschatta dils finals R5 – R9 e dil dubel /mix fatg empau in streh atras il quen dils organisaturs. Ils finals en quellas duas categorias han ins igl emprem  spustau e muort il temps da vacanzas stui desister definitivamein da prender suenter quels giugs. Aschia ha sulettamein il final R7 – R9 saviu vegnir daus alla fin.

Categoria umens singul R5 – R9

En quella categoria ein pli u meins ils favorits sequalificai pils miez finals. Sulettamein Rafel Rensch, anteriur giugadur da Trun che dat ussa cun il CT Glion, era per nus il favorit en sia gruppa e ha spiars empau nunspitgtadamein en treis sets encunter Marc Raguth Tscharner cun 6:4/3:6/7:10. Ina prestaziun fenomenala ha Valentin Pally demussau el giug encunter Remy Kuhn ch’el batta suenter treis uras cun 4:6/6:4/10:7. Victur da quella gruppa ei Simon Lechmann vegnius, che gudogna suveranamein ils dus giugs encunter Kuhn e Pally.

Resultats R5 – R9                                                                                                                                                     

½  final: 

Oliver Kumar R5 – Spendi Ramani R6, 6:2/7:5,                                                                             

Simon Lechmann R6 – Marc Raguth-Tscharner R5, 1:6/5:7

Il final ha stuiu vegni spustaus muort la plievgia.

Foto aschuntada il dus finalists:

thumbnail_IMG_5453

 

 

 

 

 

 

 

 

 

 

 

 

Seniester Marc Raguth Tscharner e dretg Oliver Kumar (da buna luna malgrad la schliat’aura)

 

Categoria umens singul R7 – R9

Legreivla ei la participaziun da plirs giuvens ord nossa regiun stada. Ella gruppa A victorisescha cun Urs Pfister in dils favorits senza dar giu in set (sco Roger!) ed ella gruppa B Cedric Zanin, il posteriur victur dil turnier. La gruppa D gudogna Adrej Maissen da Danis Tavanasa medemamein senza spiarder in set. Per ina pintga surpresa procura denton il Lumnezian Mario Derungs sco victur dalla gruppa D

Giuventegna encunter rutina el final

Il final dalla categoria R7 – R9 gudogna il giuven Cedric Zanin R7 da Mustér suveranamein encunter il rutinau giugadur Urs Pfister R7 da Trun. Forsa senteva igl Urs aunc empau la stauncladad dallas vancazas ellas combas. Sto esser che quels trenaments intensivs sil sablun dalla playa a Mallorca han a cuorta vesta buca success, portan denton forsa fretg per dil Cup Punteglias?

Resultats

½ final

Urs Pfister R7 – Mario Derungs R7, 6:3/6:0

Cedric Zanin R7 – Andrej Maissen R7, 6:3/6:4     

Final:

Cedric Zanin R7 – Urs Pfister R7 6:3/6:2

thumbnail_IMG_5448 

 

 

 

 

 

 

 

 

 

 

 

Dretg (en mellen) il giuven victur Cedric Zanin e seniester Urs Pfister

 

Categoria dubel/mix

Cun 8 equipas en duas gruppas sei stau ina participaziun cuntenteivla. Schegie ch’il livel ei staus differents d’ina gruppa a l’autra han tuttina tuttas giugaduras e tuts giugadurs giu il „Plausch“ e ein stai da buna luna era sche l’aura ha impediu ils finals.

Resultats

½ final:

Kumar Oliver/Paula Nay – Gion Petschen/Aurelia Petschen, wo (muort blessura),

Danilo Arpagaus/Sereina Decurtins – Erich Decurtins/Karin Demont, 6:3/6:1

Era cheu hans ins stuiu spustar il giu final

thumbnail_IMG_5450

 

 

 

 

 

 

 

 

 

 

 

 

Seniester: Danilo Arpagaus/Sereina Decurtins, dretg: Paula Nay/Oliver Kumar

 

thumbnail_IMG_5457

 

 

 

 

 

 

 

 

 

Aschia vesevan ils plazs ora suenter la plievgia, negina schanza da saver cuntinuar cun ils finals.

 

Fazit

Il trunier ei bein gartegias. Legreivlamein ha ei dau negins incaps ni pli grondas blessuras. L’equipa dils giuvens ha mussau ch’els san buca mo dar tennis mobein era organisar oreifer l’ustria – gnanc nus seniors savessen far meglier! Nies cauplaz Leandro ha pinau super ils plazs e las cabinas e tualettas eran – sco quei che nus essan endisai dall’Erna – schubras ch’ins havess saviu magliar il „Müesli“ si da plaun e beiber aua ord la „Schüsla“. Bien engraziament era a tut ils auters ed autras che han segidau.

Silvio Albin, meinaturnier

Aktualisiert am 29. Juli 2017