cudisch da visetas

Hallo
Igl unviern cun grondas nevadas fa plaunsiu il fagot. El ha schau anavos nauschs fastitgs. Mo las tscharvas che han stui ceder. Quellas mauncan il settember. Era sil plaz da tennis ei buca tut en uorden pli. Paupras cazzolas. Entginas pendan giuadora, autras miran tschiec ed autras han dau si il spért.Nos buns luvrers ein vidlunder da metter en uorden las caussas. Ils plazs ein fatgs e gleiti entscheiva igl interclub. Giavischel a tuts ina buna sesiun da tennis.

Hallo Daniel
Pertucca il dar tennis. Ti has bi rir. Ti has buca stuiu sesgarflar il settember per gondas e cafottas entuorn. Ti has buca stuiu runar tscharvas orasi da vals profundas. Ti has buca stuiu levar la damaun avon ch'il tgiet conti ed ir la sera pér tard a letg. E con has Ti dau tennis il settember? Dein ein aunc ina partida quest atun e lu mirein tgi che ha trenau dapli. Oz ei plitost aura da scaldar pegna che da dar tennis. Ei neiva. Cs Venanzi

Hallo ensemen
era jeu lessel gratular a nossas giugaduras e giugadurs per quella prestaziun.Ei adina puspei bi da veser da quels resultats.Savein esser loschs da nies club da ver da quels talents.Giavischel a tuts ina biala fin d`jamna e Venanzi la catscha ei ussa a fin fuss uras da dar puspei tennis.

Dacuort ha giu liug a Glion il Cadi Masters. A Glion!! Quei ei sco Wimbledon a Curaglia. Nossas gigaduras e nos giugadurs han fatg honur a nies club. Tier las damas ha Paula Nay gudignau cun batter Carmen Albin el final. Tiarza ei Carla Nay daventada. Pils mezfinals dils umens fuvan treis giugadurs da Trun sequalificai, numnadamein U. Lechmann, U. Pfister e P. Decurtins. Ursin Lechmann ha schizun contonschiu il final. Cordiala gratulaziun per quellas oreifras prestaziuns.

Gia s'auda il turnier da giubileum tiel vargau. Glieud curaschusa ha priu il venderdis vargau la decisiun da menar atras il turnier, malgrad che l'aura fuva malguessa.Il turnier ha priu in decuors fetg emperneivel. Tut ha funcziunau a moda perfetga.Il Palaia ha giu il menaschi da turnier sut controlla e las dunnas han fatg ina cuschina sco in hotel da bunamein 5 steilas.Gratulaziun allas victuras ed als victurs ed alla suprastonza: vinavon aschia!

Gia s'auda il Cup Crestas tiel vargau. Il Magnus ha organisau siu emprem turnier a moda suverana.Sto esser ch'el ha bien contact tier s. Pieder, pertgei l'aura ha fatg fetg bien cun nus. Ils da Trun han mussau ch'els ein en fuorma ed han gudignau tuttas treis categorias. Alla Sereina, al Patrizio, al Simon ed agl Ursin cordiala gratulaziun. Tgi che vul saver tgei ch'ins sto far la sera avon per gudignar in turnier, duei s'annunziar tiegl Ursin!!

Ina fetg biala caussa, quella nova pagina. Il mender denton ei che tuts san mirar ussa tgi che ha fatg ils emprems ed aunc mender tgi che ha fatg ils davos.La remarca che nus dettien l'auter onn ina ligia plia bassa vala lu buca mo per nossa equipa. Nus essan la finala disai dad ir si e giu!
Giavischel a tuts bien success sils turniers. Fagei cunzun part stediamein da nossas purschidas.

Hallo Paula,super lavur has fatg vid la pagina.Sperel che biars fan diever dad ella.Giavischel a tuts ina biala fin d`jamna.

good work jimi =)

Super nova pagina, propi gartegiau bein. Uss mo aunc actualisar ella stedi e pi ei quei ina lässiga caussa

voilà la nova pagina d'internet dil club da tennis! tgi che vul astga bugen far ina remarca el cudisch da visetas, per exempel sch'ei maunca zatgei e.a.v. bien divertiment da far il surfen!;-) bi di ed in car salid vossa presidenta paula