Avertura dils plazs ils 11 da matg 2020

Preziadas commembras e preziai commembers

Tenor la decisiun digl Uffeci federal da sport (BASPO) dils 29 d’avrel 2020 astgan clubs da tennis arver lur stabiliments cun ils 11 da matg 2020. Cundiziun ei denton che mintga club ha  in agen concept da schurmetg che corrispunda allas directivas digl Uffeci federal da sanadad (UFSP) ed allas ordinaziuns da Swisstennis. La responsabladad pigl agen concept e la controlla da tener en las reglas da tuttas persunas participadas ei l‘obligaziun da mintga club. Perquei supplichein nus tuttas commembras e tuts commembers da setener e suandar senza excepziun las instrucziuns dil Club da tennis Trun. Mo commembras e commembers dil CT Trun astgan pil mument far diever dils plazs.  

Sin fundament d’in muster da Swisstennis ha la suprastonza dil CT Trun elaborau in concept da schurmetg. Quel vegn tarmess tier a tuttas commembras e tuts commembers dil club per e-mail e publicaus silla homepage dil club sut: https://ct-trun.clubdesk.com e sin la tabla d’informaziun dalla casa dil club.  

---------------------------------------------------------------------------------------------------

Ils puncts principals dil concept da schurmetg ein: (Concept detagliau suonda)

- Setener vid las directivas digl Uffeci federal da sanadad UFSP (mira placat)
- Mo commembras e commembers dil club astgan pil mument far diever dils plazs
- Risguardar las reglas dalla distanza sociala da 2 meters sil plaz
- Pil mument astga mo vegnir dau singul
- Tuttas reservaziuns dils plazs e dallas uras ein da far sur il sistem electronic da GotCourts
- Ei astga mintgamai vegnir reservau mo in‘ura
- Ils nums dad omisduas persunas ston esser indicadas el sistem da reservaziun
- Senza reservaziun astga negin far diever dils plazs
- Igl ei da tener en las mesiras da highiena tenor il BAG
- Negin contact corporal e buca dar il maun suenter il giug
- Buca tuccar en cun ils mauns las ruclas da dumbrar
- Duvrar mo ils agens bals (m. concept detagliau)
- Avon e suenter ils giugs lavar ils mauns cun mieds da desinfectar mess a disposiziun
- Per cu tuttas giugaduras e tuts giugadurs han bandunau il plaz ei igl access libers d‘entrar
- Tut ils curdems sco pelletschas da bananas, butteglias eav. ein da prender a casa
- Garderobas, tualettas e l’ustria restan pil mument serradas  

La suprastonza dil CT Trun appellescha alla responsabladad persunala da commembras e commembers. Mo aschia savein nus garantir il diever dils plazs da tennis. Quellas restricziuns valan naven dils 11 da matg entochen ils 8 da zercladur 2020. Per ulteriuras informaziuns stat la suprastonza ni la persuna responsabla per fatgs da COVID 19 a disposiziun:

Silvio Albin, 076 435 14 42, salbin@sunrise.ch.  

Cordials salids e stei sauns   Suprastonza Club da tennis Trun